Gemeentedichter

De Gemeente Opsterland heeft een eigen Dichter, die met woorden de verhalen, natuur en het leven in onze gemeente vastlegt. De Dichter brengt op creatieve wijze poëzie tot leven bij evenementen, herdenkingen en andere lokale initiatieven. Deze bijzondere rol draagt bij aan de culturele beleving van Opsterland en biedt een inspirerende verbinding tussen de inwoners en de gemeente. Ieder jaar wordt er een nieuwe Dichter gezocht.

De gemeentedichter van 2024-2026

Adri de Boer (1956 Surhústerfean) hat sa ’n bytsje syn hiele libben muzyk makke. It gesin dêr ’t hy yn opgroeide wie altyd mei muzyk dwaande. Syn âlden songen by it oratorium en alle bern hawwe oargelles folgje. Yn 1973 begûn Adri op Borneroord yn Beetstersweach te wurkjen as sântjin jieriche jonge en nei 42 jier yn de soarg wurke te hawwen, yn 2015 is hy folslein de muzyk yn gien. Al 38 jier is Adri al oan it sjongen yn it Fryske lânskip, en hat in tsiental solo albums útbrocht, wûn trije kear it Fryske sjongfestival Liet ( 1998 -2001 en 2021 ) en waard yn 2002 nominearre foar de bernlef priis foar syn kompositoryske kwaliteiten. Neist frysktalich trûbadoer, is hy ek noch muzikaal lieder fan in popkoor en sûnt septimber 2024 beneamd foar twa jier as gemeentesjonger/dichter fan Opsterlân. Mear ynformaasje oer Adri fine jo op syn webside.

Gedichten van de Adri de Boer

Opsterlân myn Opsterlân

Yn ús bysûndere Opsterlân,
út Upsateraland ûntstien,
wenje wy hjir op it sân,
om ús hinne folop grien.
’t Âld Djip, de pearske heide,
in lânskip hjir fan komsa,
de Frije Wiken hjir rûnom
roppe elk in “Wêz wolkom” ta.

De fyts- en kuierpaden dwers troch de natoer,
fol kleur en ljocht en skaden, sa ryk en toch net djoer.

Opsterlân fol feanlân, o sa karakteristyk.
Opsterlân mei polderlân, yn alles…… yn alles bist unyk.

Rêst en romte neist innoar,
lykas muzyk, toaniel.
Wy krije in protte foar elkoar.
It brûst hjir fan kultuer.
Wurkje oan de mienskip sin,
troch en foar elkenien,
gjin utopy, nee wier, it kin,
op nei meiïnoar ien.

Opsterlân fol feanlân, o sa karakteristyk.
Opsterlân mei polderlân, yn alles, yn alles bist unyk.

Opsterlân fol feanlân, o sa karakteristyk.
Opsterlân myn Opsterlân, fielt hjir altyd, ja altyd, altyd as smoar smoarryk

Adri de Boer augustus 2024

U kunt het gedicht ook beluisteren:

Tsjoch

Wat sil it nij jier ús bringe,
wat komt der sa al oan?
Lit it optimistme bringe,
ha no genôch reboelje sjoen.
Net inkeld initiatyf rûnom âld & nij.
Altyd wer en konstruktyf
moatte wy wer op wei,
nei in takomst mei mear sinne,
yn dizze wrâld mei grut ferskaat.
Mekoar net foar de fuotten rinne,
mar mei gean op ien paad.

Tsjoch op de takomst,
tsjoch op elke dei.
Tsjoch altyd mei reden,
en op dy en my.
Tsjoch op it ferskil,
op de mienskipsin.
Tsjoch op de wil,
en wa wit op in nij begjin

Toaste op in nije tiid
Elk de romte litte,
yn wat noch kommen giet
kom mekoar ek wat temjitte.

It sprekwurd fan allear,
‘sinne en wille kin folle tille’,
seit eins genôch, en noch mear,
wy net safolle ferskille.

Sprek de taal fan mekoar as yn in jeugdsjoernaal
Lústerje nei innoar elk hat ommers in ferhaal

Adri de Boer Jannewaris 2025

U kunt het gedicht ook beluisteren:

Goeiemoarn yn frijheid

It klinkt eins sa gewoan,
fanselssprekkend, in laits der by.
In knikje, in goeiemoarn !
’t Is folle mear as allinne frij.

Alle dagen in lyts winskje.
Mekoar freonlik groetsjend,
mei positive yntinsje
yn ’t foarbygean as moetsjen.

Wy kinne altyd kieze,
libje salang al frij.
Mar ’t is hiel gau te ferliezen.
Om ús hinne giet it der mâl omwei.

Dyn miening sizze kinne,
mar haw ek begryp.
Mekoar net ûntrinne
en twinge ta in: ‘ik ha gelyk’ !

Frijheid, ik omearmje dy,
mei alles wat ik ha.
Winskje dy en my,
tûzenen jierren in goeiemoarn yn frijheid ta.

Adri de Boer
Gemeentesjonger/dichter Opsterlân 2024-2026

De Lintsjesrein

Yn dwaan en litten is ‘t bysûnder
ek al fine jo fan net.
It jo doe sa ferwûndere
Wêrom bin ‘k yn it sintsje set ?

Net samar yn it sintsje.
De fertsjinsten foelen op.
Ûnderskiede wurde mei in lintsje,
is dochs werlik top.

De lintsjesrein de lintsjesrein,
skept hjoed dizze bân.
Oan jo allen ea fersein,
hjir yn Opsterlân.

Fertsjinsten yn in grut ferskaat.
Elk docht graach wat ‘r wol.
Út de foardracht kaam dit resiltaat,
in soarte fan lytse oerfal.

Dat jimme allen folle dien ha,
hoechde foar jo gjin inkel wurd.
Mar hiel wat dichtten jo dit ta,
dat it wier wol wat betsjut.

De lintsjesrein de lintsjesrein,
skept hjoed dizze bân.
Oan jo allen ea fersein,
hjir yn Opsterlân

“Jo kriegen allen earder
in lintsje tabedielt.
Der binne hjir allegear ridders
dat, jo witte hoe dit fielt” .

By keninklik beslút
waard útrikke oan jo in lintsje.
Dus siz ik no ta ein beslút,
“ ’t Bliuwt yn’e brei echt in hiel grut krintsje”.

De lintsjesrein de lintsjesrein,
skept hjoed dizze bân.
Oan jo allen ea fersein,
hjir yn Opsterlân

Adri de Boer
gemeentesjonger/dichter fan Opsterlân 2024-2026

Activiteiten

Onze gemeentedichter zal in 2025 actief zijn bij onderstaande activiteiten:

De nieuwjaarsborrel
Een gedicht schrijven voor 4 / 5 mei
De lintjesregen (25 april 2025)
De dag voor nieuwe inwoners (eerste zaterdag van oktober)

Daarnaast schrijft de gemeentedichter twee gedichten per jaar die aansluiten op een zelfgekozen onderwerp.