Op syk nei ús gemeentedichter
Moaie lânskippen, rêst en romte, leefberens, in goede berikberens, in soad rekreative mooglikheden, keunst en kultuer: dát is Opsterlân. Kinne jo ús prachtige gemeente fêstlizze yn dichtfoarm? Meld jo dan no oan as ús gemeentedichter!
De Nederlandstalige versie van deze webpagina vindt u hier.
Wurde jo ús gemeentedichter?
De gemeente Opsterlân is in prachtige gemeente yn it hert fan de Fryske Wâlden. In gemeente dy 't ryk is oan bosken, heide, natuer, greide en 16 doarpen dy 't allegear in eigen ferhaal hawwe. In perfekt briedplak foar keunst en kultuer.
Op dit stuit hat Opsterlân noch gjin gemeentedichter. Jo kinne dus de earste gemeentedichter fan Opsterlân wurde.
Wêr foldocht de gemeentedichter oan?
De gemeentedichter skriuwt gedichten dy 't passe by de identiteit fan gemeente Opsterlân. De gemeentedichter kin poëzy op in entûsjaste, oansprekkende en prikkeljende wize nei bûten drage en diele. Hjirby is der romte foar in ûnôfhinklike en krityske blik op de maatskiplike en kulturele feroaringen yn Opsterlân.
Wat sil de dichter dwaan?
- De gemeentedichter wurdt foar twa jier oansteld;
- Skriuwt seis gedichten yn it jier dy ’t passe by aktualiteiten lykas Befrijingsdei;
- Makket foardrachten dy ’t oanslute by kulturele eveneminten;
- De gemeentedichter is minimaal 18 jier âld en wennet yn Opsterlân.
- De gemeentedichter skriuwt de gedichten yn it Nederlânsk en yn it Frysk.
Fergoeding
- De gemeentedichter krijt € 1000,- fergoeding yn it jier.
Oanmelde
Oanmelde kin fia de ûndersteande oanmeldknop. Om mei te dwaan moatte jo in gedicht ynstjoere oer Opsterlân. Reagearje kin oant en mei 31 augustus 2024. In sjuery beoardielet de gedichten en selektearret de winner. De gemeentedichter wurdt yn septimber beëdige as gemeentedichter fan Opsterlân.
